Лафзи гуфтори дарӣ ширинтар аст

Кӯлоб, 6.10.2015. (АМИТ  «Ховар»).-Дирӯз бахшида ба Рӯзи забони давлатӣ  ва иди касбии  омӯзгорон дар Театри мусиқӣ-мазҳакавии ба номи Сайдалӣ Вализодаи шаҳри Кӯлоб ҷамъомади тантанавӣ баргузор гардид. Раиси шаҳри Кӯлоб Хайрулло Амонулло зикр кард, ки забони тоҷикӣ ба қатори забонҳои ҳиндуаврупоӣ дохил гардида, дар Эрону Афғонистон, қисмати Ҳиндустону Покистон ва дигар мамолики Осиё маҳз бо забони ноби тоҷикӣ ҳарф мезананд. Дар мавриди забони тоҷикӣ, пос доштани он саромадони адабиёти форсу тоҷик суханҳои зиёде гуфта, онро аз шакар ширинтар хондаанд.  
Дар идомаи чорабинӣ кормандони Театри вилоятии мусиқӣ-мазҳакавии ба номи Сайдалӣ Вализодаи шаҳри Кӯлоб намоишномаи «Солори Аҷам»-ро пешкаши ҳозирин гардониданд.