«Мактаби омӯзишии ҷавонони фаьол» дар «Ширкент»
Душанбе, 23.10.2015 (АМИТ «Ховар»).- Имрӯз дар урдугоҳи «Ширкент»-и шаҳри Турсунзода маросими расмии кушодашавии Лагери ҷумҳуриявии «Мактаби омӯзишии ҷавонони фаьол» доир гардид. Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Аҳтам Абдуллозода, раиси Кумитаи забон ва истилоҳот Гавҳар Шарофзода ва раиси шаҳри Турсунзода Сиҷоуддин Саломзода иштирок ва суханронӣ карданд. Гуфта шуд, ки сиёсати давлатии ҷавонон дар меҳвари сиёсатиҲукумати мамлакат қарор дошта, баргузории чунин лагеру мактабҳои омӯзишӣ дар ин замина баргузор мешаванд. Ҳамзамон дар ин маросим аз дастгириҳои пайвастаи роҳбарияти олии мамлакат нисбат ба ҷавонон ёдоварӣ шуд. Лозим ба ёдоварист, ки Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар ҳамкорӣ бо мақомоти иҷроияи ҳокимияти давлатии шаҳри Турсунзода, Лагери ҷумхуриявии «Мактаби омӯзишии ҷавонони фаьол»-ро бо ширкати 70 нафар намояндагони ҷавонони ҷумҳурӣ аз 68 шаҳру навоҳии кишвар, ки ҳама гирандагони стипендияи президентӣ мебошанд, ташкил намудааст. Лагери мазкур имрӯз расман оғоз ёфта, то 26 октябри соли равон идома меёбад. Дар доираи лагер курсҳои омӯзишӣ, чорабиниҳои варзиши, фарҳангию фароғатӣ доир мешаванд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
