Машварат оид ба зӯроварӣ дар оила
Душанбе, 15.10.2015 (АМИТ «Ховар»).-Дирӯз бо ташаббуси Вазорати корҳои дохилӣ ва дастгирии САҲА дар Тоҷикистон дар осоишгоҳи «Сароб»-и ноҳияи Варзоб дар мавзӯи «Таҷрибаи самаранок оид ба эътинои нозирони милитсия ба зӯроварӣ дар оила дар Ҷумҳурии Тоҷикистон» машварат оғоз гардид.
Дар он намояндагони Вазорати корҳои дохилӣ, намояндагони САҲА дар Тоҷикистон, Академияи ВКД ва дигар масъулон иштирок доранд.
Иштирокдорон зикр карданд, ки зӯроварӣ дар оила — кирдори зидди ҳуқуқии барқасдонаи дорои хусусияти ҷисмонӣ, рӯҳӣ, шаҳвонӣ ё иқтисодиест, ки дар доираи муносибатҳои оилавӣ аз ҷониби як узви оила нисбат ба дигар узви оила содир шуда, боиси поймол шудани ҳуқуқ ва озодиҳои ӯ, расонидани дарди ҷисмонӣ ё зарар ба саломатии ӯ мегардад ё таҳдиди расонидани чунин зарарро ба вуҷуд меорад.
Бино бар ин тамоми ҷомеаи мутамаддин, аз ҷумла нозирони милитсия бояд ба чунин зуҳуроти номатлуб бетарафӣ зоҳир накарда, баръакс бар зидди поймол шудани ҳуқуқи зан ва зӯроварӣ нисбат ба онҳо эътино намоянд.
Дар ин самт аз ҷониби мақомоти корҳои дохилӣ ва бо дастгирии САҲА дар Тоҷикистон тадбирҳои судманд андешида шуда, дар тамоми манотиқи ҷумҳурӣ корҳои фаҳмондиҳӣ-профилактикӣ гузаронида мешаванд.
Машварат дар мавзӯи «Таҷрибаи самаранок оид ба эътинои нозирони милитсия ба зӯроварӣ дар оила дар Ҷумҳурии Тоҷикистон» се рӯз идома мекунад.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
