«Мо ҳомиёни ин Ватанем»-иқдоми ҷавонон

Душанбе, 15.10.2015. (АМИТ «Ховар»). — Тавре ки қаблан иттилоъ додем, ТҶҶ «Созандагони Ватан» дар саросари кишвар таҳти унвони «Мо ҳомиёни ин Ватанем» иқдом эълон намуда буд, ки он имрўзҳо  дар ҳамаи шаҳру навоҳӣ бо маром ҷараён дорад. 
Мақсади иқдоми мазкур баргузории маҷмӯи чорабиниҳо дар байни ҷавонон бо мақсади тарбияи ҳарбӣ- ватандўстии онҳо ва эҳтиром ба марзу буми аҷдодӣ мебошад. Ҳамзамон чорабиниҳои дар доираи ин иқдом баргузоршаванда метавонанд барои муташаккилона гузаштани маъракаи даъвати тирамоҳии сарбозон таъсири мусбат расонанд.
Иқдом аз маҷмӯи чорабиниҳои гуногун, амсоли ташкили аёдати волидони сарбозон, боздиди ҷавонон аз қисмҳои ҳарбӣ, намоиши маҳорати ҷангии сарбозон ба ҷавонон ва дигар чорабиниҳо иборат мебошад.