Мулоқоти Нуриддин Саид бо Олга Гаврук
Душанбе, 21.10.2015. (АМИТ «Ховар»).- 20 октябр вазири маориф ва илми Ҷумҳурии Тоҷикистон Нуриддин Саид бо Сафири Фавқулода ва Мухтори Ҷумҳурии Беларус дар Ҷумҳурии Тоҷикистон Олга Гаврук бинобар ба итмом расидани фаъолияташ дар кишвари мо мулоқот кард.
Тавре ки аз Вазорати маориф ва илми ҷумҳурӣ хабар доданд, зимни суҳбат ҷонибҳо сатҳи баланди робитаҳои дуҷонибаи кишварҳои дӯстро дар самти маориф ва илм таъкид намуданд.
Вазири маориф ва илм Нуриддин Саид зимни суҳбат иброз дошт, ки дар тӯли фаъолияти сафирии О. Гаврук ҳамкории дуҷониба миёни Вазорати маориф ва илми Ҷумҳурии Тоҷикистон ва Ҷумҳурии Беларус вусъат ёфта, табодули таҷриба ва тибқи квота фиристодани донишҷўён ба Ҷумҳурии Беларус бамаротиб зиёд гардид. Аз ҷумла, дар муассисаҳои таҳсилоти олии кишвар кушода шудани факултаҳои муштараки тоҷикӣ-беларусӣ низ натиҷаи фаъолияти пурсамари ҷонибҳо мебошад, таъкид гардид дар суҳбат.
Дар навбати худ сафир ба масъулини соҳа барои дастгирии ҳамаҷонибаи фаъолият дар самти маориф ва илм изҳори сипос намуда, зикр кард, ки ҳамкорӣ дар самти илму маориф аз самтҳои асосӣ ва калидии фаъолияти кории ӯ дар Ҷумҳурии Тоҷикистон ба ҳисоб мерафт.
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
