Мусобиқаи картингронӣ дар Хуҷанд

Душанбе, 06.10.2015 (АМИТ Ховар, )-10 октябр дар картодроми «Формула-К»- и Ташкилоти мададгори мудофиаи ҶТ дар шаҳри Хуҷанд чемпионати ҶТ оид ба картингронӣ баргузор мегардад. Дар он варзишгарон аз шаҳру ноҳияҳои Душанбе, Турсунзода, Қурғонтеппа, Ёвон, Хуҷанд, Истаравшан, Панҷакент, Исфара, Истиқлол ва ноҳияи Б. Ғафуров ширкат мекунанд. 
Варзишгарон аз рӯи навъҳои юниор, С-2, миллӣ, пионер ва минӣ байни худ сабқат мекунанд.  Бо ин мақсад  ташкилкунандагони мусобиқа картингҳои замонавии истеҳсоли Швейтсария ва Итолиёро дастрас намуда, ба ихтиёри варзишгарон гузоштаанд. 
Мусобиқа дар доираи барномаи тарбияи ҳарбӣ-ватандӯстӣ ва рушди намудҳои ҳарбӣ-амалии варзишӣ байни наврасону ҷавонони синни то даъватӣ ва даъватии ҶТ барои солҳои 2012-2015 гузаронида мешавад.