Ноболиғ барои дуздӣ дастгир гардид

Душанбе, 30.10.2015. (АМИТ «Ховар»). — 29 октябри соли равон ба ШВКД дар ноҳияи Фирдавсӣ сокини 20-солаи шаҳри Душанбе муроҷиат намудааст, ки моҳи сентябри соли 2015 дар назди бозори “Корвон”, шахси номаълум бо тариқи шикастани оинаи мошини шахсиаш тамғаи “Опел-Астра”, аз дохили он як ноутбук, як диски хотиравӣ, ду китоби дарсӣ ва дигар асбоби техникӣ, ҷамъ ба маблағи умумии 400 доллари ИМА-ро дуздида, аз ҷойи ҳодиса ғайб задааст. Зимни гузаронидани чорабиниҳои фаврӣ-ҷустуҷӯӣ кормандони милитсия ноболиғ, ҷавони 15-солаи сокини ноҳияи Панҷро бо гумони содир намудани ҷинояти дуздӣ дастгир намуданд.
Ҳамчунин муайян карда шуд, ки дастгиршуда рӯзи 18.09.с.2015 дар бозори “Корвон”, бо тариқи шикастани тирезаи мошини дигари тамғаи “Опел-Астра”, ки ба зани 25-солаи сокини шаҳри Душанбе тааллуқ дорад, аз дохили он 1500 сомонӣ маблағи пулиро дуздида, аз ҷойи ҳодиса ғайб задааст.