Ҳосили картошка ва сабзавот афзудааст

Душанбе, 10.09.2015, (АМИТ «Ховар»).- Дар хоҷагиҳои деҳқонӣ (фермерӣ) ва ҷамоавии ҷумҳурӣ имсол дар майдони 21 ҳазору 219 гектар кишти картошка гузаронида шудааст. Мувофиқи маълумоти фаврии Раёсати растанипарварӣ то 2 октябр  майдони 16 ҳазору 963 гектари он ҷамъоварӣ шудааст, ки нисбат ба ҳамин давраи соли гузашта 3 111 гектар зиёд мебошад. 
То 2 октябр  дар хоҷагиҳои деҳқонӣ (фермерӣ) ва ҷамоавии ҷумҳурӣ ба миқдори 373 ҳазору 310 тонна картошка истеҳсол шудааст, ки нисбат ба ҳамин давраи соли гузашта 70 ҳазору 038 тонна зиёд буда, ҳосилнокӣ аз ҳар гектар 220,1 сентнериро ташкил медиҳад ва дар муқоиса ба ҳамин давраи соли гузашта 1,1 сентнерӣ зиёд мебошад. 
Бино ба иттилои Вазорати кишварзӣ  соли ҷорӣ, дар хоҷагиҳои деҳқонӣ (фермерӣ) ва ҷамоавии ҷумҳурӣ майдони 28233 гектар кишти сабзавот гузаронида шудааст, ки то 2 октябр  майдони 26950 гектари он ҷамъоварӣ шудааст. Ин нишондод нисбат ба ҳамин давраи соли гузашта 4501 гектар зиёд мебошад. То имрўз дар ҷумҳурӣ ба миқдори 632 ҳазору 323 тонна сабзавот истеҳсол шудааст, ки нисбат ба соли гузашта 119 ҳазору 591 тонна зиёд аст.