«Рӯ ба сӯи муваффақият»
Душанбе, 10.10.2015. (АМИТ «Ховар»).-Дирӯз дар Донишкадаи идоракунии давлатии назди Президенти Ҷумҳурии Тоҷикистон бо иштироки вазири фарҳанги Ҷумҳурии Тоҷикистон Шамсиддин Орумбекзода бо магистрантон дар мавзӯи «Рӯ ба сӯи муваффақият» дарси кушод баргузор шуд.
Шамсиддин Орумбекзода оид ба муваффақиятҳои Вазорати фарҳанг, ки дар даврони истиқлолияти давлатӣ ба даст омадаанд, сухан гуфт. Дар ҷамъомад магистрантон ба саволҳои худ, ки ба мавзуъҳои гуногуни соҳаи фарҳанг, матбуот ва табъу нашр, ҳифзи ҳуқуқи муаллиф ва ҳуқуқҳои вобаста ба он, ҳифзи ёдгориҳои таърихӣ, санъати миллӣ ва рушди имрӯзаи он тааллуқ доштанд, ҷавобҳои мушаххас гирифтанд.
Бояд гуфт, ки Раёсати Донишкадаи идоракунии давлатии назди Президенти Ҷумҳурии Тоҷикистон дар мувофиқа бо Ҳукумати Ҷумҳурии Тоҷикистон ва Бунёди Ҳаннс Зайдели Ҷумҳурии Федеративии Олмон оид ба тайёр намудани магистрантҳо аз рӯйи ихтисоси «Идоракунии давлатӣ» дар давоми шаш соли охир ҳамкориро ба роҳ монда, тибқи нақшаи таълимии магистратура шахсиятҳои шинохтаи ҷумҳурӣ ва коршиносони шинохтаи байналмилалиро барои хондани «Дарси озод» дар ҳаҷми як соати академӣ даъват менамояд.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
