Роғун: «Ҷилваи чакан» ва «Солномаи оила» ҷамъбаст шуданд
Роғун, 22.10.2015 (АМИТ «Ховар»).-Барои дар сатҳи баланд таҷлил намудани Соли 2015 ҳамчун соли оила шуъбаи кор бо занон ва оилаи мақомоти иҷроияи маҳаллии ҳокимияти давлатии шаҳри Роғун дар ҳамкорӣ бо бахши САҲШ-и шаҳр ва бахши фарҳанг даври ҷамъбастии озмуни «Солномаи оила» ва фестивал-озмуни «Ҷилваи чакан»-ро бо шаҳомати хосса баргузор намуданд, ки дар ин чорабинӣ намояндагон аз Кумитаи кор бо занон ва оилаи назди Ҳукумати Ҷумҳурии Тоҷикистон, Вазорати адлияи Ҷумҳурии Тоҷикистон ва Вазорати фарҳанги Ҷумҳурии Тоҷикистон иштирок намуданд.
Дар анҷоми озмуни мазкур меҳмонон ба ҳунару маҳорат ва маърифати оиладории мардуми шуҳратманди Роғун баҳои баланд дода, ба ғолибон барои иштирок дар даври ҷумҳуриявии Фестивал-озмуни «Хандаи ҳусн» ва «Ҷилваи чакан» роҳхат дода шуд.
Барои баланд бардоштани маърифати оиладорӣ ғолибони озмуни «Солномаи оила» ва «Ҷилваи чакан» аз тарафи мақомоти иҷроияи маҳаллии ҳокимияти давлатии шаҳри Роғун бо туҳфаҳои хотирмон сарфароз гардонида шуданд.
Инчунин барои дастгирии оилаҳои ҷавон бо дастгирии мақомоти иҷроияи маҳаллии ҳокимияти давлатии шаҳри Роғун як ҷуфт тўйи домоду арӯсӣ ва хатнасури 6 кўдак аз оилаҳои камбизоат баргузор гардид.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
