Садамаҳои марговар аз сабаби идораи нодурусти мошин

Душанбе, 31.10. 2015. (АМИТ «Ховар»). — 30 октябри соли равон ронандаи мошини тамғаи “Опел-Вектра”, сокини 23-солаи шаҳри Ваҳдат, ҳангоми ҳаракат дар кӯчаи Рӯдакии Ваҳдат аз уҳдаи идораи мошин набаромада,  сокини 41-солаи маҳаллиро пахш намудааст. Дар натиҷа пиёдагард ҷароҳатҳои вазнини ҷисмонӣ бардошта, дар беморхона ба ҳалокат расидааст.
Ҳамчунин дар ин рӯз ронандаи мошини тамғаи “Опел”, сокини 43-солаи шаҳри Конибодом, ҳангоми ҳаракат дар кӯчаи К. Хуҷандии ш. Конибодом  бехатарии ҳаракат дар роҳро таъмин карда натавониста, ба мошини тамғаи “Опел-Астра”, таҳти идораи ронанда, сокини 35-солаи ш. Қайроққум бархӯрдааст. Дар натиҷа мошини тамғаи “Опел-Астра” дар тарафи рости роҳ ду сокини шаҳри Конибодом- зани 60-сола ва марди 54-соларо пахш намудааст. Ҳар ду пиёдагард ҷароҳати ҷисмонӣ бардошта, дар беморхона бистарӣ гардида, зани 60-сола пас аз чанд муддат ба ҳалокат расидааст.