Сафари ҷавонони фаъол ба Федератсияи Русия

Октябрь 9, 2015 09:13

Душанбе, 09.10.2015. (АМИТ «Ховар»).-Гурӯҳи 18 нафараи ҷавонон иборат аз намояндагони Вазорати корҳои дохилӣ, кумитаҳои ҷавонон, варзиш ва сайёҳӣ, кор бо занон ва оила, телевизион ва радио ва гурӯҳи «Пешоҳанг» бо мақсади суҳбату мулоқоти озод бо ҷавонони тоҷик, ки дар Федератсия Русия кору таҳсил менамоянд, ба шаҳри Маскав сафар намуд. 
Дар доираи сафар намояндагон бо ҷавонони  тоҷик дар шаҳру вилоятҳои гуногуни Русия, аз қабили Твер, Санкт-Петербург, Маскав ва дигар шаҳрҳои Русия, ки дар он ҷо шумораи зиёди тоҷикон ба кору таҳсил машғуланд, мулоқот доир менамоянд.
Дар назар аст дар мулоқот ҷавонони фаъол доир ба дастовардҳои кишвар дар даврони соҳистиқлолӣ, пешгирии ҷавонон аз гаравиш ба гурӯҳҳои гуногуни ифротӣ, тарғиби фарҳангӣ миллӣ, эҳтиром ва арҷ гузоштан ба муқаддасоти миллӣ ва дигар мавзуъҳои мавриди назар маърӯза ва гуфтугӯ  намоянд. 
Ҳамчунин зимни мулоқот ба ҷавонону донишҷӯён ва муҳоҷирони тоҷик, ки дар Русия кору фаъолият доранд, бештар аз 1000 нусха ҳафтаномаи «Ҷавонони Тоҷикистон» ва 3000 буклети иттилоотӣ, ки аз ҷониби КВД «Биржаи меҳнатии ҷавонон» таҳия гардидаанд, тақсим  мешаванд. 
Дар сафар ҷавонони фаъолро муовини раиси Кумитаи ҷавонон, варзиш ва сайёҳӣ Ҳабибулло Амирбекзода ва мушовири калони вазири корҳои дохилӣ Мансур Бухоризода ҳамроҳӣ менамоянд.
Ин аввалин бор аст, ки ҷавонони фаъоли кишвар бо мақсади суҳбати озоду мулоқот ва огоҳ гардидан аз шароити таҳсилу кори ҳамсолони худ ба хориҷи кишвар сафар менамоянд. 
 Дар ин бора Наврӯз Қурбонов, мутахассиси пешбари Бахши таҳлилу иттилооти Кумитаи ҷавонон, варзиш ва сайёҳӣ хабар дод.

 

Октябрь 9, 2015 09:13

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд