Шахсе, ки 10 ҳазор сомонӣ дуздид, дастгир гардид
Душанбе, 17.10. 2015 (АМИТ “Ховар”). — Ба ШВКД дар ноҳияи Фирдавсӣ сокини 33-солаи шаҳри Душанбе, муроҷиат намуд, ки рӯзи 2-юми октябри соли равон, шахсони номаълум бо роҳи пинҳонӣ вориди хонаи истиқоматиаш шуда, аз он ҷо маблағи пулиро бо асъори гуногун: 83 ҳазор рубли ФР, 1250 доллари ИМА, 100 евро ва 1500 сомониашро дуздида, аз ҷойи ҳодиса ғайб задаанд. Зимни гузаронидани чорабиниҳои фаврӣ-ҷустуҷӯӣ сокини 18-солаи шаҳри Душанбе ҳамчун гумонбар дар содир намудани ҷинояти дуздӣ дастгир гардид.
Ҳамчунин рӯзи 16-уми октябри соли равон, ҳангоми гузаронидани чорабиниҳои фаврӣ-ҷустуҷӯӣ ҷавони дигари 18-солаи сокини ш.Душанбе, ки пеш бо моддаи 244 Кодекси ҷиноятӣ суд шудааст, аз ҷониби кормандони милитсия бо гумони дуздӣ дастгир гардид. Муайян карда шуд, ки гумонбаршуда 10-уми октябри соли равон, дар кӯчаи Н. Қарабоев, назди бозори “Султони Кабир”-и ш.Душанбе аз дохили мошини тамғаи “Тойота-Прадо”, ки ба сокини 30-солаи пойтахт тааллуқ дорад, як телефони мобилии тамғаи “Айфон-4”, ки арзишаш 2050-сомониро ташкил медиҳад ва маблағи пулӣ дар ҳаҷми 10000-сомониро дуздида, аз ҷойи ҳодиса ғайб задааст.
Нисбат ба далелҳои мазкур парвандаҳои ҷиноятӣ оғоз гардида, тафтиш идома дорад.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






