Синамогарони мамлакат филми «Садбарг»-ро ба тамошобинон пешниҳод мекунанд
Душанбе, 16.10.2015. (АМИТ «Ховар»). — Cинамогарони мамлакат имрӯз иди касбии худро ҷашн мегиранд. Таърихи кинои тоҷик аз соли 1930 — замоне, ки бо қарори Шӯрои Олии Ҷумҳурии шӯравии сотсиалистии Тоҷикистон кинолабораторияи хурд бо номи «Тоҷиккино» таъсис дода шуд, оғоз мегирад. Дар ибтидо дар ин коргоҳи ҳунар филмҳои ҳуҷҷатӣ ва аз соли 1932 филмҳои бадеӣ ба навор гирифта шудаанд. Дар тӯли фаъолияти худ синамогарони тоҷик даҳҳо филмҳои ҷолиб ба навор гирифтанд, ки машҳуртарини онҳо «Марги судхӯр», силсилафилмҳои «Достони Рустам», «Рустам ва Суҳроб», «Достони Сиёвуш», ҳамчунин филмҳои «Нисо», «Субҳи ҷавонии мо», «Ман бо духтаре вохӯрдам», «Марди мутааллиқи ду зан», «Ашк ва шамшер», «Қисмати шоир» миллионҳо тамошобинони кишварҳои гуногуни оламро ба ваҷд овардаанд.
Синамогарони мамлакат новобаста ба мушкилоти моддӣ-техникӣ тавонистанд дар солҳои охир чандин филмҳои ҳунармандонаи касбӣ, аз ҷумла филмҳои «Оинаи беҷило», «Муаллим», «Сафари ҳавоӣ», «Комил»-ро ба навор гирифта, пешкаши тамошобинон кунанд. Ба иттилои Сафар Ҳақдодов, раиси Иттифоқи синамогарони Тоҷикистон ҳоло филми бадеии «Садбарг» аз тарафи синамогарони тоҷик таҳия шуда, рӯзҳои наздик пешкаши тамошобинон хоҳад гардид.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






