«Синдром» роҳи Восеъ-Ховалингро навсозӣ мекунад

Душанбе, 15.10.2015. (АМИТ «Ховар»).-Навсозии роҳи 88- километраи Восеъ-Ховалинг босуръат идома дорад. 
Роҳи мазкур бо маблағи грантии Бонки Осиёии Рушд ва саҳми Ҳукумати Ҷумҳурии Тоҷикистон, ки дар маҷмӯъ 32 миллион доллари ИМА-ро ташкил менамояд, аз ҷониби Ширкати «Синдром»- и Ҷумҳурии Мардумии Чин навсозӣ  гашта истодааст. Дар баробари таҷдиди роҳ, 12 кӯпруки он низ навсозӣ мешаванд.
Роҳсозон бо назардошти наздик омадани фасли сармо  тамоми қувваи худро баҳри вусъат бахшидани корҳо равона карда, дар айни замон 49 фоизи корҳои навсозии роҳу кӯпрукҳо ба анҷом расидаанд.