Сокинони шаҳри Кӯлоб бо газ таъмин мешаванд

Душанбе, 22.10.2015. (АМИТ «Ховар ).-  Идораи «Кӯлобгаз» ният дорад, ки «Чоҳи гази табиӣ» дар деҳаи Каримбердии ноҳияи Восеъро ба кор андохта, баробари аз санҷиш гузаштани лӯлаҳо интиқоли ин навъи маводи сӯхтро ба хонаҳои сокинони шаҳри Кӯлоб оғоз гардонад. 
Дар пайи кофтуковҳои ду соли ахир дар деҳаи кӯҳдомани Каримбердии ноҳияи Восеъ чоҳе ошкор шуд, ки ба гуфтаи масъулони корхонаи нафт, захираи он 11 миллион метри мукааб газро ташкил медиҳад ва барои аҳолии 100-ҳазорнафарии шаҳри Кӯлоб то даҳ сол кифоят мекунад. Ин газ аз қаъри 800-метрии замин бароварда шуда, аввал барои коркард ба корхонаи полоиши гази табии «Ҷалолиён» ва сипас ба хонаҳои сокинон интиқол меёбад.