Суғд: Нақшаи андозҳои давлатӣ 103,5 фоиз таъмин гардид

Душанбе, 10.09.2015. (АМИТ «Ховар»).-Дар нўҳ моҳи соли равон нақшаи андозҳои давлатӣ 103,5 фоиз таъмин гардида, ба буҷет  981,6  млн. сомонӣ  ворид гардид, ки  нисбат ба нақшаи тасдиқгардида 32,9 млн. сомонӣ ва нисбат ба соли гузашта 135,6  млн. сомонӣ зиёд мебошад. Дар ин бора зимни ҷаласаи ҷамъбасти нӯҳмоҳа, ки  9 октябр дар Мақомоти иҷроияи ҳокимияти давлатии вилояти Суғд баргузор гардид, иттилоъ дода шуд.    
Дар давраи ҳисоботӣ ба буҷети маҳалии вилоят ба ҷои 882,1 млн. сомонӣ  911,7 млн. сомонӣ ворид гардид, ки  аз нақша 3,4 фоиз ё ин ки 29,7 млн. сомонӣ зиёд аст. 
Дар ин давра нақшаи қисми хароҷоти буҷетҳои маҳаллӣ 864,3 млн. сомониро ташкил дода, бо мақсади таъмини рушди соҳаҳои афзалиятноки дорои хусусияти иҷтимоӣ ба соҳаҳои маориф, тандурустӣ, ҳифзи иҷтимоии аҳолӣ, фарҳанг ва варзиш беш аз  698,7 млн. сомонӣ маблағҳо равона  шуданд, ки 81 фоизи хароҷоти умумии буҷети вилоятро ташкил медиҳад. 
Дар ин бора аз Хадамоти матбуоти раиси вилояти Суғд хабар доданд.