Таъминот бо техника ва мошинолоти кишоварзӣ

Душанбе, 30.10.2015. (АМИТ «Ховар»).-Имрӯз, 30 октябр аз ҷониби Муассисаи давлатии Маркази идораи Лоиҳаи «Рушди чорводорӣ ва чарогоҳҳо» дар заминаи татбиқи Лоиҳаи «Беҳсозии сатҳи зиндагӣ дар Хатлон» ба мақомоти худфаъолияти ҷамъиятии ноҳияҳои Шӯрообод ва Муъминобод  техника ва дигар мошинолоти кишоварзӣ супорида шуданд.
Ба иттилои намояндаи лоиҳаи мазкур Муҳриддин Музаффаров  ба мақомоти худфаъолияти ҷамъиятии ноҳияи Шӯрообод 1 трактори тамғаи МТЗ бо испор, 3 нақлиёти борбардор, 6 техника барои ҷамъоварии  хӯроки чорво, 4 ядак, 7 ғаллакӯбак, ба мақомоти худфаъолияти ҷамъиятии ноҳияи Муъминобод 1 трактори тамғаи МТЗ бо испор, 2 нақлиёти борбардор, 10 ядак, 6 сихмола, 3 ғаллакӯбак, 12 техника барои ҷамъоварии хӯроки чорво, 3 техника барои шинонидани картошка, 2 техника барои ҷамъоварии картошка ва 7 бел бо таҷҳизоти махсус барои пайваст намудан ба трактор дастрас шуданд.