Теъдоди қурбониёни заминларзаи Афғонистон ба беш аз 360 нафар расид

Душанбе, 27.10.2015. (АМИТ «Ховар»).-Теъдоди фавтидагони заминларзаи Афғонистон дар Покистон ба 275 нафар ва дар Афғонистон  ба 90 нафар расидааст, иттилоъ медиҳанд рӯзномаи покистонии «Nation» ва Агентии «Пажвок».
Чанде пеш оид ба фавти 228 нафар дар Покистон ва 63 нафар дар Афғонистон иттилоъ дода шуд.
Бино ба иттилои манбаъ, дар Афғонистон беш аз ҳама вилоятҳои Бадахшон, Тахор, Нангарҳор, Кунар ва пойтахти ин кишвар- шаҳри Кобул хисорот дидаанд. 
Дар навбати худ маҷаллаи «Times of India» иттилоъ медиҳад, ки теъдоди қурбониён дар Ҳиндустон ба 4 нафар расид.
Ёдовар мешавем, ки рӯзи душанбе, 26-уми октябр соати 13.39 вақти маҳаллӣ дар Афғонистон заминларза бо қувваи 7,5 балл ба амал омад. Маркази зилзила дар умқи 212,5 километр дар километри 45-уми қисмати ҷанубу ғарбӣ аз шаҳри Ҷурм ҷойгир будааст.