Тоҷикистон аъзои Кумитаи минтақавии аврупоии ТУТ гардид
Душанбе, 15.09.2015. (АМИТ «Ховар»).-Тавре ки директори Бюрои минтақавии аврупоии Ташкилоти умумиҷаҳонии тандурустӣ (ТУТ) хонум Жужанна Якаб хабар дод, Ҷумҳурии Тоҷикистон интихобан ба ҳайси аъзои Кумитаи доимоамалкунандаи Кумитаи минтақавии аврупоӣ ба муҳлати аз 17 сентябри соли 2015 то 17 сентябри соли 2018 ворид гардидааст.
Тавре ки аз Вазорати тандурустӣ ва ҳифзи иҷтимоии аҳолии ҶТ хабар доданд, дар ҷаласаи 65-уми Кумитаи минтақавии аврупоӣ, ки дар рӯзҳои 14-17 сентябри соли 2015 дар шаҳри Вилнюси Литва баргузор гардид, аз байни 53 кишвари аъзо 4 давлат, аз ҷумла Гурҷистон, Исландия, Италия ва Ҷумҳурии Тоҷикистон тавассути овоздиҳии пинҳонӣ интихоб шуданд.
Барои шомил намудан ба ҳайати кумитаи доимӣ аз ҷониби Вазорати тандурустӣ ва ҳифзи иҷтимоии аҳолӣ номзадии С. Юсуфӣ, сардори Раёсати таҳсилоти тиббию фарматсевтӣ, сиёсати кадрҳо ва илм пешниҳод гардида, аз тарафи Кумитаи минтақавии аврупоӣ тасдиқ шудааст.
Дар баробари ин, тибқи низоми ягонаи Кумитаи минтақавии аврупоии Ташкилоти умумиҷаҳониии тандурустӣ 4 нафари таъйингардида бояд дар ҷаласаҳои Кумитаи доимии Кумитаи мазкур ҳатман иштирок намоянд.
Интихоби Ҷумҳурии Тоҷикистон ба ин ҳайат бори дигар аз мавқеи мустаҳкам доштани кишвари мо дар арсаи байналмилалӣ ва эътироф гардидани он аз ҷониби ташкилоти бонуфузи ҷаҳонӣ дарак медиҳад.
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
