Турсунзода: вазъи экологӣ муътадил аст
Душанбе, 16.10.2015. (АМИТ «Ховар»).-Дар шаҳри Турсунзода дар мавзӯи «Ҳолати кунунии ҳавои атмосфера дар Ҷумҳурии Тоҷикистон» маҳфили экожурналистӣ доир гардид. Дар он гурӯҳи кормандони воситаҳои ахбори омма аз хоҷагии деҳқонии «Ватан-2008», ки дар километри 8-уми Ширкати алюминийи тоҷик воқеъ гардидааст, дидан намуданд. Раиси хоҷагии номбурда, деҳқони маъруф Ҳоҷӣ Неъмат Усмонов дастпарвардаҳои маҳсули заҳмати худро, ки аз намудҳои ангури хушсифат, анвои гуногуни дарахтони ороишӣ ва гулҳо иборат буд, ба рӯзноманигорон нишон дод.
Дар ҷараёни боздид аз нуқтаҳои алоҳидаи атрофи Ширкати алюминйи тоҷик бо таҷҳизоти муосири ташхисӣ ҳавои атмосфера санҷида шуда, бо мушоҳидаҳои қаблӣ ва кунунӣ дар муқоиса нишон дода шуд, ки дар ҳудуди таъсири КВД Ширкати алюминийи тоҷик вазъи экологӣ муътадил буда, миқдори консентратсияи ҳидрогени фтордор дар таркиби ҳаво ва хоку об аз меъёри муқарраршуда зиёд нест.
Семинар бо дастгирии молиявӣ ва амалии намояндагии САҲА дар Тоҷикистон сурат гирифт.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
