Вохӯрӣ бо намояндагони ҷамъияти олмонӣ

Октябрь 3, 2015 06:50

Душанбе, 03.10.2015. (АМИТ «Ховар»).-30 сентябр ректори Донишкадаи идоракунии давлатии назди Президенти Ҷумҳурии Тоҷикистон Лутфия Абдулхолиқзода директори Ҷамъияти олмонӣ оид ба муносибатҳои байналмилалӣ GIZ (Deutsche Gesellschaft fur Internationale Zusammenarbeit) дар Ҷумҳурии Тоҷикистон Виктор Кесслер ва намояндаи ташкилоти мазкурро ба ҳузур пазируфт.  
Лутфия Абдулхолиқзода роҷеъ ба фаъолияти таълимиву тарбиявӣ, илмӣ ва равобити хориҷии донишкада, сохтор ва ихтисосҳои амалкунанда дар ҳузури меҳмонон маълумоти муфассал дод.
Созишномаи ҳамкории Донишкадаи идоракунии давлатӣ миёни Ҷамъияти байналмилалии олмонии GIZ дар самти таълимӣ, илмию тадқиқотӣ ба имзо расонида шуда, ҷонибҳо масъалаҳои марбут ба ҳамкории дуҷонибаро мавриди муҳокима қарор доданд. 
Виктор Кесслер зикр намуд, ки онҳо ният доранд бо Донишкадаи идоракунии давлатӣ ҳамкории густурдаро дар ҳамаи зинаҳои таҳсилот ба роҳ монанд.
Лозим ба ёдоварист, ки Ҷамъияти байналмилалии олмонии GIZ  соли 2011 таъсис ёфта, самти фаъолияти онро масъалаҳои гуногун, аз ҷумла, такмили ихтисос ва бозомӯзии касбии хизматчиёни давлатӣ, мусоидат ба рушди иқтисодиёт ва таъмини самаранокии он, бартараф намудани ихтилофи шаҳрвандӣ, таъмини амнияти озуқаворӣ ва хизматрасонии соҳаҳои тандурустӣ, сайёҳӣ ва ҳифзи тағйирёбии иқлим ташкил медиҳанд.

Октябрь 3, 2015 06:50

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд