Як ёдгории нодири меъмории асримиёнагӣ ёфт шуд
Душанбе, 20.10.2015. (АМИТ «Ховар ).- Аз ҷониби кормандони Шуъбаи ҳифз ва истифодаи мероси таърихию фарҳангии Вазорати фарҳанги Ҷумҳурии Тоҷикистон 15- уми октябри соли ҷорӣ дар деҳаи Сиёҳмӯзаи ҷамоати деҳоти Чилдухтарони ноҳияи Муъминобод як ёдгории нодири меъмории асримиёнагӣ ба қайд гирифта шуд.
Дар бозёфти ёдгорӣ сокинони деҳаи Сиёҳмӯза Хуршед Саидов ва Сайдалӣ Сафаров саҳми калон гузоштаанд, ки ин рафтори онҳо намунаи ибрат ва боиси дастгирӣ мебошад. Ёдгории мазкур дар қисмати ҷанубии деҳаи Сиёҳмӯза тақрибан дар баландии 100 метр аз соҳили рости дарёи Сурхоб ҷойгир шудааст.
Самти ҷойгиршавии он ба тариқи ғарб- шарқ сохта шудааст. Деворҳои хонақо дар баландии 1 метр аз сатҳи фарш бо панели (қисми поёнии ранг кардашудаи девор) сурхчаранг ҷудо шудаанд. Инчунин деворҳо аз қисми ҷанубӣ ва шимолӣ дар шаклҳои алоҳида бо катиба ва расмҳои тақлидӣ нигориш дода шудаанд. Ҳангоми таҳқиқҳои аввалӣ дар ҳудуди ёдгорӣ як хумча ва ҷузъи кӯзаи нақшин, ки ба давраҳои кушонӣ ва асримиёнагӣ мансуб мебошанд, пайдо шуданд.
Омӯзиш ва таҳқиқҳои минбаъдаи бостоншиносӣ пурра дар бораи ёдгории мазкур маълумоти иловагиро пешниҳод менамоянд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
