Ёвон: 59 ҳодисаи вайронкунии қоидаҳои ҳаракат дар роҳ

Қӯрғонтеппа, 23.10.15. (АМИТ «Ховар»). — Бозрасии давлатии  автомобилии  вилояти  Хатлон  дар  ноҳияи  Ёвон  амалиёти  тафтишотиро  роҳандозӣ  намуд. 
Тавре  ки нозири калони давлатии  автомобилии  шуъбаи  тарғибот ва назорати  бозрасии давлатии   автомобили  вилоят  Ёрмаҳмад Давлатов  хабар  дод,   гурӯҳи   махсуси   хадамоти   назорати роҳҳо  тайи  ду  соат 59  ҳодисаи  вайронкунии ҳаракат дар  роҳҳоро  ошкор  намуд.
«2  ҳодисаи  дар  ҳолати  мастӣ  идора  кардани  мошин,  2 ҳодисаи  истифодаи  ғайриқонунии  шишаҳои  сиёҳ ошкор  гардид. Дар  14  маврид  ронандагон  барои  идораи   воситаи  нақлиётӣ  ҳуҷҷатҳои   зарурӣ надоштанд. Ҳамчунин  як  автомобили бе рақамҳои  дахлдори  давлатӣ  дастгир  шуд», — хабар  дод  мусоҳиб.