Зимистон дар мекӯбад

Дарвоз, 17.10.15. (АМИТ «Ховар»)-Мудири  маорифи  ноҳияи   Дарвоз Акбаралӣ    Раҳмоналиев  ба хабарнигори АМИТ «Ховар» иттилоъ  дод,  ки тайёрии  соҳаи  маорифи ноҳия ба  фасли зимистон  хуб  аст. Мувофиқи  нақша  дар   48  мактаби  ноҳия  омодагӣ  ба  зимистон  хуб ҷараён дошта,  захираи  ангишт  дар  мактабҳо  аз  422 тонна  то  535  тоннаро  ташкил  медиҳад.  Мудири  маориф  афзуд, ки  то  имрӯз  шишабандии  синфхонаҳои  48  мактаби  ҳудуди  ноҳия  ба  талабот  ҷавобгӯ  аст.                                                                                 Инчунин  дар як  мактаби  маркази  ноҳия  дар  фасли  зимистон    дизели  гармидиҳӣ  истифода  мешавад ва барои он 1200 литр  сӯзишвории  дизелӣ захира  шудааст.
Ҳамчунин  мудири  маорифи  ноҳияи  Рашт Холмаҳмад  Ортиқов дар робита ба ин мавзӯъ гуфт, ки  дар  ноҳия  дар   112  мактаби  ноҳия   тайёрии  ҷиддӣ  барои  фасли    зимистон  ҷараён доранд. То  имрӯз  дар  мактабҳои  ноҳия   1200  тонна  ангишт   ва  860  метри  мукааб  ҳезум  захира  шудааст. Холмаҳмад    Ортиқов  афзуд, ки   дар  4  мактаби  ҳудуди  ноҳия   дар  вақти  набудани  барқ  аз  генераторҳои   барқӣ  истифода  мешавад.   Бо ин мақсад бештар  аз  4000 литр  сӯзишвории  дизелӣ  захира  шудааст.