Ҷаласаи Шӯрои машваратии бонкҳои марказӣ дар Остона

Ноябрь 20, 2015 13:05

Душанбе, 20.11.2015. (АМИТ «Ховар»).- Бо ибтикори Бонки марказии Ҷумҳурии Қазоқистон дар шаҳри Остона ҷаласаи тадорукотии Шӯрои машваратии бонкҳои марказӣ (миллӣ) оид ба ҳимояи ҳуқуқи истеъмолкунандагони хизматрасониҳои молиявӣ баргузор гардид. Дар кори он намояндагони бонкҳои марказии (миллии) Ҷумҳуриҳои Қазоқистон, Русия, Беларус, Қирғизистон ва Тоҷикистон ширкат варзиданд. Бонки миллии Тоҷикистонро дар машварат сардори Шуъбаи навтаъсиси бонк оид ба ҳимояи ҳуқуқҳои хизматрасониҳои низоми бонкӣ Рукмина Сафарова намояндагӣ намуд.
Иштирокдорони ҷаласаи тадорукотӣ дар мисолҳои мушаххас моделҳои гуногуни ҳимояи ҳуқуқҳои истеъмолкунандагони хизматрасониҳои молиявиро, ки дар давлатҳои номбаршуда истифода мешаванд, таҳлил намуданд.
Дар ҷараёни ҷаласа оид ба паҳлӯҳои гуногуни ҳимояи ҳуқуқҳои истеъмолкунандагони хизматрасониҳои молиявӣ, омӯхтани таҷриба ва андешидани тадбирҳои зарурӣ оид ба ҳалли масъалаҳои қарзҳои мушкилситон, баланд бардоштани саводнокии молиявии аҳолӣ бо муаррифиномаҳои ҷолиб мубодилаи афкор карданд.
Дар ин бора аз Хадамоти матбуоти БМТ хабар доданд.

Ноябрь 20, 2015 13:05

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд