Ҳалокати ронанда ва мусофирон дар садамаи нақлиётӣ

Душанбе, 20.11.2015. (АМИТ «Ховар»). — 19-уми ноябри соли равон, ронандаи мошини тамғаи “Мерседес-Бенс”, сокини 36-солаи шаҳри Конибодом, ҳангоми ҳаракат аз деҳаи Қӯрғонча ба самти ҷамоати деҳоти Ортиқови шаҳри Конибодом, аз уҳдаи идораи воситаи нақлиёт набаромада, ба канали обдори чуқуриаш 5-метр чаппа шудааст. Дар натиҷа худи ронанда ва мусофиронаш марди 37-сола ва зани 34-сола, сокинони шаҳри Конибодом ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.