Қарзҳои мушкилситон дар бонкҳои тиҷоратӣ

Душанбе, 13.11.2015. (АМИТ «Ховар»).-  12 ноябр  дар Донишкадаи молия ва иқтисоди Тоҷикистон таҳти унвони «Қарзҳои мушкилситон ва роҳҳои ҳалли онҳо дар бонкҳои тиҷоратӣ» семинари илмию амалӣ доир гардид.
Дар семинар директори филиали маркази хизматрасониҳои бонкии ҶСК «Ориёнбонк», номзади илмҳои иқтисодӣ Алимурод Бобоев иштирок намуда, дар мавзӯи муаммоҳои қарзҳои мушкилситон ва роҳҳои ҳалли онҳо дар бонкҳои тиҷоратӣ маърӯза намуд. Гуфта шуд, ки бо мақсади пешгирии талафоти имконпазир аз рӯи қарзҳои додашуда бонкро зарур аст, ки баъди додани қарз аз болои он доимо назорат барад ва як усули беҳтарин барои бонк- ин якҷоя бо қарздор кор карда баромадани нақшаи чорабиниҳо оид ба пардохти қарз мебошад.