Қасдан расонидани зарари вазнини ҷисмонӣ ба саломатӣ

Душанбе, 4.11.2015. (АМИТ «Ховар»).-Зимни гузаронидани чорабиниҳои фаврӣ-ҷустуҷӯӣ кормандони милитсия сокини 31-солаи шаҳри Чкаловро бо гумони қасдан расонидани зарари ҷисмонӣ дастгир намуданд. Муайян карда шуд, ки гумонбаршуда 3 ноябри соли равон, тахминан соати 13:00 дар хонаи истиқоматиаш бо сокини 31-солаи ҳамин шаҳр аз сабаби муноқишаи ба миён омада  ҷанҷол намуда, якчанд маротиба бо корд ба баданаш задааст.
 Дар натиҷа ҷабрдида ҷароҳатҳои вазнини ҷисмонӣ бардошта, дар беморхона бистарӣ гаштааст. Нисбат ба далели мазкур парвандаи ҷиноятӣ оғоз шуда, тафтиш идома дорад.