Баргузории чорабиниҳои варзишӣ ба ифтихори Рӯзи парчами давлатӣ
Хуҷанд, 19.11.2015. (АМИТ «Ховар»).- Дар шаҳри Хуҷанд бахшида ба таҷлили Рӯзи Парчами давлатии Ҷумҳурии Тоҷикистон чорабиниҳои гуногуни варзишӣ ҷараён доранд. Тавре ки ба АМИТ «Ховар» сармутахассиси бахши кор бо ҷавонон, варзиш ва сайёҳии шаҳр Дилшод Убайдуллоев хабар дод, дар доираи ҳафтаи ҷашнгирии Рӯзи Парчами давлатӣ дар варзишгоҳҳои шаҳри Хуҷанд мусобиқаҳои гуногуни варзишӣ байни толибилмони мактабҳои миёна, литсею гимназияҳо ва ҳамзамон донишҷӯёни коллеҷҳову мактабҳои олии маркази вилоят доир гашта истодаанд.
То имрӯз мусобиқаҳо аз рӯи намуди варзиши сабук ва волейболу баскетбол байни духтарону писарон анҷом ёфта, мусобиқаҳо оид ба футбол барои дарёфти Ҷоми “Қасри ҷавонон” ва бокс байни наврасони солҳои таваллудашон 2001-2002 ва 2003-2004 идома доранд.
21-24 ноябр дар варзишгоҳҳои шаҳр мусобиқаҳо аз рӯи намудҳои якҳарбаи шарқӣ, гӯштини миллӣ, дзюдо, самбо, гӯштини тарзи озод, юнони румӣ оғоз ёфта, ҳамчунин 21 ноябр дар варзишгоҳи “Ҷашнӣ” — Фестивали варзишӣ доир хоҳанд гашт.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
