Баррасии бартараф кардани муаммоҳои экологӣ дар Суғд

Ноябрь 2, 2015 10:34

Душанбе, 2. 11. 2015. (АМИТ «Ховар»).- Масъалаҳои бартараф кардани муаммоҳои экологӣ, ки аз даврони шӯравӣ дар вилояти Суғд боқӣ мондаанд, мавриди баррасии раиси вилоят Абдураҳмон Қодирӣ ва намояндаи комиссияи Аврупо Мартин Андерсен ва гурӯҳи мутахасисони ширкати «ВИЗУТЕК» — и кишвари Олмон  қарор гирифтанд. 
Тибқи иттилои Хадамоти матбуоти раиси вилояти Суғд дар мулоқот зикр гардид, ки дар вилоят партовгоҳҳои радиатсионии комбинати металҳои нодир аз даврони шӯравӣ дар минтақаи Рухак бо номи партовгоҳи Деҳмой дар канори шаҳри Истиқлол мавҷуд аст. Роҳбари вилоят аз ҷониби ҳукумати Ҷумҳурии Тоҷикистон ва мақомоти иҷроияи ҳокимияти давлатии вилоят дар бораи кам кардани таъсири онҳо ба муҳити зист ба гурӯҳи корӣ маълумот дод. Алҳол дар ин минтақаҳо сохтмони девор ва бо хок рӯйпӯш  кардани партовҳои радиатсионӣ идома дорад. 
Ин партовгоҳҳо дар вилоят ҳангоми истихроҷи Уран дар солҳои 1944-1990 ба вуҷуд омадаанд.
Мутахассисони ширкати «Визутек», ки дар ҷаҳон бо бурдани татқиқоти мукаммал барои камтаъсир кардан ва рӯйпӯш намудани партовгоҳҳо таҷрибаи зиёд доранд, иброз доштанд, ки барои ҳалли ин муаммои экологӣ омодаанд  ба Тоҷикистон кумак намоянд, то корҳои иҷрошуда бо татқиқоти илмӣ асоснок  шуда, таъсири ин партовгоҳҳо ба садсолаҳо аз байн бурда шаванд. Барои корҳои омӯзишӣ мутахассисони варзида аз Аврупо ҷалб мешаванд.
Ёдовар мешавем, ки ширкати «Визутек» бо баҳодиҳии вазъи муҳити атроф ва асосноккунии техникии иқтисодии рӯйпушкунии партовгоҳҳои радиатсионӣ машғул мебошад.
Лоиҳа бо маблағгузорӣ ва дастгирии Иттиҳоди Аврупо амалӣ мегардад.

 

Ноябрь 2, 2015 10:34

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд