Чкалов: вохӯрӣ бо мактаббачагон доир ба зарари нашъамандӣ
Душанбе, 4.11.2015. (АМИТ «Ховар»).-Дар гимназияҳои рақамҳои 1,2 ва мактабҳои таҳсилоти миёнаи умумии №4 ва №11-и шаҳри Чкалов дар ҳузури омӯзгорону хонандагон ва волидони хонандагони мактаби мазкур кормандони Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Суғд вохӯрии маърифатӣ баргузор намуданд.
Намояндаи Раёсати агентӣ дар вилояти Суғд доир ба иқдому ташаббусоте, ки аз ҷониби Ҳукумати мамлакат дар самти муқовимат бо гардиши ғайриқонунии воситаҳои нашъадор, моддаҳои рӯҳтаъсир, прекурсорҳои онҳо ва пешгирии нашъамандӣ амалӣ мешаванд, ҳарф зада, тазаккур дод, ки ҳар фарди солимандешро мебояд бо дарки баланди ҳисси масъулиятшиносӣ ва меҳанпарастӣ дар таъмини фазои амну осоиши кишвар саҳм гирад.
Таъкид шуд, ки қабл аз ҳама омилҳои даст задани ҷавонону наврасон ба кирдорҳои зиддиҳуқуқӣ, ҷалб шудан ба ҳизбу ҳаракатҳои фаъолияташон мамнӯъ ва сӯйистеъмоли ғайритиббии маводи нашъаоварро аз паст будани тарбияи хонаводагӣ ва беназоратии волидон бояд донист.
Дар баробари ин ба ҳозирин доир ба нишона ва оқибатҳои тиббии бемории нашъамандӣ, Вируси норасоии масунияти одам ва шеваҳои гирифторӣ ба он , аз ҷумла аз тариқи нашъамандии тазриқӣ ва масъулияти ҷиноии содиркунандагони ҷиноёти марбут ба гардиши ғайриқонунии маводи нашъаовар маълумоти муфассал ироа шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






