Дар Афғонистон урдугоҳи калонтарини силоҳбадастон нест карда шуд

Душанбе, 02.11.15. (АМИТ «Ховар»). — Назар  ба  хабари  рӯзномаи «The Washington Post» -и  Амрико, артиши  ИМА  бо  дастгирии қувваҳои амниятии Афғонистон  урдугоҳи  тарбияи  ифротиёнро, ки дар  кишвар   яке  аз  калонтарин  ба шумор  мерафт,  нест  кард.
Тавре  ки  фармондеҳи  қувваҳои  байналмилалии мададгори  Афғонистон Ҷон Кэмпбелл хабар  дод, урдугоҳи  мазкур  тайи  14  соли  ҷанг  иншооти  калонтарини  тарбияи  силоҳбадастон   ба  шумор мерафт. Масоҳати  урдугоҳ, ки   дар   вилояти  Қандаҳор  қарор  дошт, қариб  78  километри  мураббаъро ташкил  медод. Қӯшунҳои Амрикою  Афғонистон  дар  ҷараёни  амалиёт  дар  ин  минтақа  қариб  160  нафар  террористони «Ал — Қоида» — ро  нест  намуданд,  —  хабар  медиҳад Агентии  иттилоотии  ТАСС. Назар  ба иттилои васоити  ахбори омма, барои  роҳандозии   амалиёт  бо дастгирии  фаъоли  қувваҳои  ҳарбии  ҳавоӣ якчанд  рӯз зарур  шуд.