Дастгир гардидани ноболиғони авбош

Душанбе, 21.11.2015. (АМИТ «Ховар»). -Ба ШВКД-2 дар ноҳияи Сино сокини 30-солаи кӯчаи Қазоқони пойтахт муроҷиат намуд, ки 18-уми ноябр шахсони номаълум дар кӯчаи Нусратулло Махсум тартиботи ҷамъиятиро вайрон карда, бародари 18-солаашро бе ягон асос лату кӯб намуда, бо корди дар дасташон буда ду маротиба ба шикам ва рони пойи чапаш зада, аз ҷойи ҳодиса ғайб задаанд. Дар натиҷа ҷавони 18-сола захмӣ шуда, дар беморхона бистарӣ гаштааст. 
Ҳангоми гузаронидани чораҳои фаврӣ-ҷустуҷӯӣ ду ноболиғи 16 ва 17-солаи сокини шаҳри Душанбе ҳамчун гумонбар дар авбошӣ аз ҷониби кормандони милитсия дастгир шуданд. Ҳодиса мавриди тафтиш қарор дорад.