«Дирафши фатҳу иршоди тоҷик- конфронси илмӣ дар мавзӯи Парчам

Душанбе, 21.11.2015. (АМИТ «Ховар»). —  Дар маҷлисгоҳи кумитаи иҷроияи Ҳизби халқӣ демократии Тоҷикистон дар вилояти Суғд, бахшида ба Рӯзи Парчами миллӣ конфронси илмӣ таҳти унвони Дирафши фатҳу иршоди тоҷик баргузор гардид. 
Конфронс бо иштироки васеи фаъолону аъзои кумитаи иҷроияи вилоят доир гашта, дар он ҳозирин  оид ба  аҳамияти парчам, эҳтироми он сухан гуфта, даъват ба амал оварданд, ки ҳар як фард бояд парчами давлатиро ҳифз намуда, бо он ифтихор кунад, зеро он яке аз нишонаҳои давлату давлатдорӣ мебошад. 
Ёдовар мешавем, ки 7 сол ин ҷониб дар кишвари тозаистиқлоламон Рӯзи Парчами миллӣ бо шаҳомати хосса таҷлил мегардад.