Файзобод: Беморхонаи ноҳия ниёз ба таҷҳизоти замонавӣ дорад

Файзобод, 10.11.2015. (АМИТ «Ховар»).-Ба иттилои сардухтури ноҳияи Файзобод Фазлиддин Зубайдов  беморхонаи марказии ноҳияи Файзобод дар нуҳ моҳи соли 2015 дар ноҳияи Файзобод  2455  ҳолати таваллуд ба қайд гирифта шудааст, ки нисбат ба  соли 2014  122 ҳолат  зиёд аст.  Соли равон дар беморхонаи марказии ноҳия 3848 нафар табобат гирифт, ки нисбат ба соли 2014  1012 нафар камтар мебошад.  Инчунин то имрӯз дар беморхонаи мазкур 137 нафар  гирифтори бемории саратон  ба қайд гирифта шудааст, ки нишони зиёдшавии ин намуди беморӣ  дар сатҳи ноҳия мебошад. Тибқи иттилои сардухтури ноҳия Фазлиддин Зубайдов  барои  муоинаи тиббии 13 собиқадори  ҶДҶ, 18 ҷанговари интернатсионалист ва 5  осебдидаи садамаи Чернобил ба таври ройгон 13 ҳазору 791 сомонӣ  доруворӣ ирсол  шудааст. 
Зикр гардид, ки мушкилоти беморхонаи мазкур надоштани таҷҳизоти замонавии озмоишӣ, дастгоҳҳои аксбардорӣ ва таъмири пурра  надоштани бинои шуъбаи асаб мебошад.