Гузаронидани 546 ташхис аз ҷониби озмоишгоҳи бактериологии Панҷакент

Панҷакент, 28.11.2015. (АМИТ «Ховар»).-Дар шаҳри Панҷакент аз тарафи Маркази назорати давлатии санитарию эпидемиологӣ дар соли сипарӣ 1403 бемории сирояткунанда ба қайд гирифта шуда, аз тарафи озмоишгоҳи бактериологӣ 546 ташхис гузаронида шудааст. Бо ташаббуси марказ дар давраи ҳисоботӣ 185 маротиба назорати санитарӣ дар ташкилоту муассисаҳо гузаронида шуд. Дар ин асос нисбат ба 42 нафар санад дар хусуси қонунвайронкунӣ тартиб дода шуда, 42 нафар ба маблағи 5600 сомонӣ ҷарима шуданд. Дар ин давра аз мағозаҳои шаҳр 46 намуди  маводи хӯроквории муҳлати истифодаашон гузашта аз фурўш гирифта шуд, ки маблағи 9600 сомониро ташкил медиҳанд.