ИМА аз Туркия талаб кард, ки сарҳадашро барои террористони ДИ бандад

Душанбе, 28.11.2015 (АМИТ «Ховар»).- ИМА аз ҳукуматдорони Анқара талаб намуд, ки ба сарҳади Туркия бо Сурия неруҳои изофӣ ирсол доранд, то аз убури ҷангиёни гурӯҳи террористии «Давлати исломӣ», бахусус онҳое, ки ба самти Аврупо мераванд, ҷилавгирӣ кунад. Дар ин бора ТАСС бо такя ба маводи рӯзномаи амрикоии «The Wall Street Journal» иттилоъ дод. 
Ба таъкиди ин рӯзнома, ба ақидаи Вашингтон зарур аст «тақрибан 100 километр қисмати сарҳад, ки ДИ барои интиқоли ҷангиёни хориҷиаш ба нуқтаҳои амалиёти ҷангӣ ва баръакс, аз он ҷо ба ҷойҳои дигар истифода мекунад, баста шавад». Бино ба маълумоти ин рӯзнома, пас аз убури ин минтақаи сарҳадӣ террористон, аз ҷумла ба Аврупо раҳсипор мешаванд.