“IRAN EXPO — 2015” молҳои эрониро муаррифӣ менамояд

Душанбе, 17.11. 2015.(АМИТ “Ховар”).-Беш аз 50 ширкати эронӣ дар намоишгоҳи “IRAN EXPO — 2015”, ки охири ҳафтаи равон дар “Кохи Борбад”-и Душанбе доир мегардад, ширкат менамояд. Созмондиҳандагони намоишгоҳ  Палатаи савдо ва саноати Ҷумҳурии Тоҷикистон ва  ширкати намоишгоҳии «Mappna Exhibition»-и Ҷумҳурии Исломии Эрон ба шумор мераванд.
Интизор меравад, ки ширкатҳои тавлидотии эронӣ дар намоишгоҳ маҳсулоти соҳаҳои хӯрокворӣ, кишоварзӣ, саноати сабук ва масолеҳи сохтмониро ба намоиш гузоранд.