Иштироки мутахассисони ЛМФ Тоҷикистон дар семинари КФО
Душанбе, 04.11.15. (АМИТ «Ховар»). — Мутахассисони пешбари Лигаи миллии футболи Тоҷикистон Сайвалӣ Шоқурбонов ва Бобоҷон Қаландаров дар семинари дурӯзаи минтақавии Конфедератсияи футболи Осиё, ки дар шаҳри Деҳли аз рӯи барномаи рушди «Kick-Off» баргузор гардид, иштирок намуданд.
Семинар барои намояндагони кишварҳои Осиёи Марказию Ҷанубӣ ба манзури шиносоии иштирокдорон бо моделҳои лига ва дарёфти даромад доир гардид.
«Барномаи «Kick-Off» воситаи асосии рушди футбол дар Осиё ва таҳкими лигаю клубҳои мо ба шумор меравад», — зикр намуд раиси Кумитаи рушди Конфедератсияи футболи Осиё Муҳаммад Ал — Ҳалфан Ромаитҳи. Дар ҷараёни чорабинӣ проблемаҳои умумӣ ва масоиле, ки аъзои ассотсиатсия дар минтақаҳои Осиёи Марказию Ҷанубӣ дучори онҳо мегарданд, мавриди муҳокима қарор гирифтанд.
Мутахассисони Лигаи миллии футболи Тоҷикистон фикру мулоҳизаҳои худро дар бораи барномаи «Win — Win» — и ФИФА, ки Федератсияи футболи Тоҷикистон мувофиқи он дастгоҳи сайёри телевизиониро барои сабту намоиши вохӯриҳои футболбозон ба даст овард, баён карданд.
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
