КМТ: Конфронси илмӣ ба ифтихори 80- солагии китобшиноси маъруфи тоҷик
Душанбе, 16.11.2015. (АМИТ «Ховар»).-18- уми ноябри соли равон дар Китобхонаи миллии Тоҷикистон таҳти унвони «Ҷойгоҳи библиография дар шароити ҷаҳонишавии иттилоот» конфронси илмӣ-амалӣ баргузор мегардад. Конфронс ба 80- солагии зодрӯзи китобшиноси маъруфи тоҷик Раҳимҷони Шарофзода бахшида мешавад. Бояд гуфт, ки дар конфронс директори Китобхонаи миллии Тоҷикистон, доктори илмҳои филологӣ, профессор Сайфиддин Назарзода сухан гуфта, директори Пажӯҳишгоҳи илмӣ — тадқиқотии фарҳанг ва иттилоот, номзади илмҳои педагогӣ, дотсент Шариф Комилзода дар мавзӯи «Зиндагинома ва фаъолияти илмӣ- таҳқиқотии Раҳимҷони Шарофзода», мудири кафедраи идоракунии захираҳои инсонии Донишкадаи идоракунии давлатии назди Президенти Ҷумҳурии Тоҷикистон, номзади илмҳои педагогӣ, дотсент Сафар Шосаидов доир ба мавзӯи «Саҳми Раҳимҷони Шарофзода дар ҳалли масоили китобдории даврони истиқлол» маърӯза мекунанд. Дар анҷом осори Раҳимҷони Шарофзода ба намоиш гузошта хоҳад шуд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






