Конибодом: мизи мудаввар оид ба пешгирии бемории СПИД

Конибодом, 19.11.2015. (АМИТ «Ховар»).-Хадамоти муҳоҷирати Агентии меҳнат, муҳоҷират  ва шуғли аҳолии ҶТ дар вилояти Суғд ҳамроҳ бо масъулини соҳаи тандурустӣ ва кормандони мубориза бар зидди  СПИД-и маркази вилоят,  дирӯз дар мақомоти иҷроияи ҳокимияти давлатии шаҳр оид ба масъалаҳои пешгирӣ ва роҳҳои муайян намудани бемории Вируси Норасоии Масъунияти Одам (СПИД) мизи мудаввар доир карданд. 
Дар семинар иштирокдорон бобати сари вақт муайян ва дарёфт намудани гирифторони ин беморӣ ибрози андеша намуданд.  Зикр гардид, ки сабабҳои асосии ба ин беморӣ гирифтор шудани шаҳрвандон- ин будубош дар муҳоҷирати меҳнатӣ ва мунтазам аз муоинаи тиббӣ нагузаштани муҳоҷирон аст. 
Ҳамчунин баҳри пешгирӣ намудани ин беморӣ дар оила занону бонувон низ нақши муҳим дошта, ҳангоми ба муҳоҷират рафтан, ё баргаштан аз муоинаи тиббӣ гузаштани ҳамсарашонро бояд хоҳиш намоянд, то худ ва фарзандонашонро аз дучоршавӣ ба ин беморӣ эмин нигоҳ доранд.