Конститутсия шаҳодатномаи миллат аст

Ноябрь 2, 2015 08:35

Душанбе, 2. 11. 2015. (АМИТ «Ховар»).-Бахшида ба таҷлили 21-умин солгарди қабули Конститутсия (Сарқонун)-и Ҷумҳурии Тоҷикистон таҳти унвони «Нақши Конститутсия дар эъмори давлати демокративу ҳуқуқбунёд ва таҳкими ҳокимияти конститутсионӣ» имрӯз дар Суди конститутсионии Ҷумҳурии Тоҷикистон мизи мудаввар доир гардид.
Дар мизи мудаввар раиси Суди конститутсионии кишвар Маҳкам Маҳмудзода иштирокдоронро бо 21-умин солгарди қабули Конститутсия табрик намуда, оид ба нақши офарандаи Конститутсияи мамлакат, ки соли 1994 дар давраи басо ҳассоси таърихӣ қабул шудааст, маълумот дод. 
Зикр шуд, ки Конститутсия дар баробари шаҳодатномаи миллат ва давлати Тоҷикистон будан, инчунин асосҳои сохтори конститутсионӣ, унсурҳо ва принсипҳои асосии давлат, давлатдорӣ ва давлатсозии тоҷиконро муайян намуда, барои рушди таҳкими ҳама соҳаҳои хоҷагии халқи мамлакат шароити заруриро фароҳам овард.
Дар ҳамоиш 8 маърӯза дар мавзӯъҳои «Нақши Президенти Ҷумҳурии Тоҷикистон дар қабул ва таъмини волоияти Конститутсия», «Нақши мақомоти прокуратура дар ҳифзи ҳуқуқу озодиҳои инсон ва шаҳрвандон дар Ҷумҳурии Тоҷикистон», «Инкишофи принсипҳои конститутсионӣ дар қонунгузории ҷиноятӣ», «Вазифаҳои асосии Конститутсия дар замони муосир», «Асосҳои конститутсионии ташаккули оила дар Тоҷикистон» аз ҷониби намояндагони вазорату идораҳои кишвар шунида шуд. 

Ноябрь 2, 2015 08:35

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд