Корвони китоб ба Кӯлоб ворид шуд

Кӯлоб, 3.11.2015.  (АМИТ  «Ховар»).-Тибқи «Барномаи рушди фаъолияти китобдорӣ дар Ҷумҳурии Тоҷикистон барои солҳои 2010-2016»  барои мукаммал гардонидани фонди китобхонаҳои давлатӣ- оммавии вилояту шаҳру ноҳияҳои ҷумҳурӣ мувофиқи тақсимоти китобҳо аз ҷониби Корхонаи воҳиди давлатии таъминот ва савдои «Китоб»-и Вазорати фарҳанги Ҷумҳурии Тоҷикистон тавассути корвони китоб ба таври ройгон ба вилояти Хатлон 49 ҳазору 572 нусха китоб ба маблағи 184 ҳазору 925 сомонӣ ворид шуд, ки ин теъдоди адабиёти бадеӣ ва соҳавиро зиёд менамояд. 
Тавассути ин корвон ба китобхонаҳои шаҳру навоҳии минтақаи Кӯлоб низ  китобҳои тозанашр  ворид шуданд, ки барои баланд бардоштани сатҳи донишандӯзии хонандагон нақши муносиб хоҳанд гузошт.