Маорифчиён сазовори нишон гаштанд

Душанбе, 5. 11. 2015. (АМИТ «Ховар»).- Бо ибтикори Вазорати маориф ва илми Ҷумҳурии Тоҷикистон бахшида ба 21-умин солгарди Конститутсияи (Сарқонуни) Ҷумҳурии Тоҷикистон имрӯз дар  Донишкадаи ҷумҳуриявии такмили ихтисос ва бозомўзии кормандони соҳаи маориф бо иштироки вазири маориф ва илм, муовинони вазир, сардорони раёсат, роҳбарони муассисаҳои тобеъ ва дигар кормандони соҳа чорабинии тантанавӣ доир гардид.
Дар ҳамоиш вазири маориф ва илми кишвар Нуриддин Саид иштирокдоронро бо ин санаи таърихӣ муборакбод гуфт. Муовини вазир Фатҳиддин Исмонов дар мавзӯи «Нақши Конститутсия дар рушди иҷтимоӣ-иқтисодии Ҷумҳурии Тоҷикистон» маърўза карда, оид ба дастовардҳои соҳаи маориф дар тўли 21 сол-аз қабули Сарқонун то имрўз маълумоти муфассал дод.
Инчунин сармутахассиси шуъбаи таъминоти ҳуқуқӣ ва котибот Сайвалӣ Қодиров дар мавзўи «Асосҳои Конститутсияи миллӣ ва заминаҳои таъсисёбии давлатдории навин», мутахассиси пешбари раёсати илм ва инноватсияи вазорат Ҷаҳонгир Бобоҷонов дар мавзўи «Нақши Конститутсияи (Сарқонуни) Ҷумҳурии Тоҷикистон дар таҳкими ҳокимияти давлатӣ» маърўза намуданд.
Бахшида ба таҷлили Сарқонуни кишвар ба як гурӯҳ кормандони соҳа нишони «Аълочии маориф ва илми Тоҷикистон» ва «Ифтихорнома»-и Вазорати маориф ва илм тақдим шуданд.