Мастчоҳ: «Парчами миллӣ-ифтихори миллат»
Мастчоҳ, 21.11.2015. (АМИТ «Ховар»). — «Парчами миллӣ-ифтихори миллат»- чунин унвон дошт вохӯрие, ки дирӯз дар Коллеҷи тиббии ноҳияи Мастчоҳ доир гардид. Тавре ки ба АМИТ Ховар аз маъмурияти коллеҷ иттилоъ доданд, вохӯрии мазкур дар мавзӯи «Парчами миллӣ-ифтихори миллат» дар асоси нақшаи чорабиниҳои бахши кор бо занони Кумитаи иҷроияи ҲХДТ дар ноҳияи Мастчоҳ доир гашта, он бо иштироки васеи донишҷӯёну омӯзгорони коллеҷ баргузор гашт.
Зикр шуд, ки парчам ҳанўз аз замонҳои хеле қадим рамзи давлатдорӣ, шукўҳу ифтихор ва нангу номус ба ҳисоб рафта, аввалин парчами қадимаи тоҷикон «Дирафши Ковиён» ном дошта, он ҳамчун рамзи ваҳдат ва ягонагии давлатдории ориёӣ қабул шудааст.
Дар ҷаҳони муосир доштани парчами миллӣ-ин нишони истиқлолият, яке аз рамзҳои асосии давлатдорӣ ва ваҳдати миллӣ ба ҳисоб рафта, давлати муосир тавассути парчами худ муаррифӣ мегардад.
Боиси шарафмандии мост, ки имрӯз Парчами давлатии Ҷумҳурии Тоҷикистон дар пештоқи биноҳои бонуфузтарин созмонҳои байналмилалию ҷаҳонӣ, ки кишвари мо аъзои онҳост, парафшонӣ мекунад, ки ин барҳақ мояи ифтихору рӯҳбаландӣ ва эҳтироми ҳамаи ҳамватанони мо мебошад.
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
