Милиса, ҷашни фирӯзат муборак!

Душанбе, 9. 11. 2015. (АМИТ «Ховар»).- Ҳамасола рӯзи 10 ноябр — Иди касбии милитсия таҷлил  мешавад. 
Милитсияи Тоҷикистон 10-уми ноябри соли  1917 таъсис ёфта, фаъолтарин сохтори қудратии давлат маҳсуб шуда, масъулиятеро ба дӯш дорад, ки басо ҳассос ва дар бисёр маврид сангин аст. Милитсия ҳамеша ҳимояи ҳуқуқу манфиатҳои мардум, ҳифзи молу мулк, таъмини тартиботи ҷамъиятӣ, волоияти қонун ва мубориза бо ҷинояткориро рисолати аслии худ шинохта, дар ин роҳи пуршараф корҳои зиёдеро анҷом додааст. Ин аст, ки ҷомеаи мо ба нақши милитсия дар таҳкиму пойдории сулҳу суботи кишвар, ҳифзи тартиботи ҷамъиятӣ баҳои баланд дода, ба заҳмати кормандони Вазорати корҳои дохилӣ ҷиҳати таъмини бехатарӣ ва оромии сокинон эҳтиром мегузоранд.