Муноқиша бо кордзанӣ анҷом ёфт

Душанбе, 07.11.2015. (АМИТ «Ховар»). — Зимни гузаронидани чорабиниҳои фаврӣ-ҷустуҷӯӣ марди 22-солаи сокини ноҳияи Б.Ғафуров бо гумони расонидани зарари ҷисмонӣ дастгир гардид. Муайян карда шуд, ки гумонбаршуда 4-уми ноябр, тахминан соати 12:30 ба хонаи истиқоматии марди 32-солаи ҳамин ноҳия омада, дар натиҷаи муноқиша бо корд якчанд маротиба ба баданаш задааст. Дар натиҷа, ҷабрдида ҷароҳатҳои вазнини ҷисмонӣ бардошта, дар беморхона бистарӣ гаштааст. 
Нисбат ба далели мазкур парвандаи ҷиноятӣ оғоз шуда, тафтиш идома дорад.