Мутахассисони насли нави ИДМ дар бахши иҷтимоиёту фарҳанг

Душанбе, 18.11.15. (АМИТ «Ховар»). — «Ҳифзи  забонҳои   славянӣ дар  муколамаи  байнифарҳангии ҷаҳони фарҳанги фарогир» —  чунин  аст  мавзӯи мизи  мудаввар, ки  имрӯз  дар  шаҳри  Душанбе  баргузор  мегардад.
Дар  чорабинӣ  намояндагони  созмонҳои  ғайриҳукуматӣ,  хадамоти  давлатӣ, ҳамватанон, ҷомеъашиносон  ва  ходимони  фарҳанг  иштирок  менамоянд. 
Дар  нимаи  дуюми  рӯз  мубоҳиса дар  мавзӯи «Мутахассиси  насли  нави  бахши  иҷтимоиёту  фарҳанги  ИДМ» оғоз  ёфта,  дар  ҷараёни он  донишҷӯён  барномаҳои  муосири   бахши  маърифат ва  рушду  имкониятҳои  муоширати  донишҷӯён  дар  фазои  ИДМ — ро  мавриди  муҳокима  қарор  медиҳанд.
Қобили  зикр  аст, ки  соли  2014 дар  ҳошияи барномаи  рушди  донишгоҳҳои  славянӣ ва  барномаи фарогирии  академӣ  24   донишҷӯи Донишгоҳи  славянии  Русия  ва  Тоҷикистон  барои таҳсил ба  донишкадаҳои  Русия,  Қазоқистон,  Қирғизистон,  Чин ва  Олмон   фиристода шуданд. Ғайр аз  ин,  солҳои  2014 — 2015 беш  аз 50    донишҷӯи  хориҷӣ  ба Донишгоҳи  славянии  Русия  ва  Тоҷикистон  қабул  шуданд.
Мизи  мудаварро  Донишгоҳи  славянии  Русия  ва  Тоҷикистон  бо  дастгирии  Бунёди байнидавлатии  ҳамкории  башардӯстона ташкил намуд.