Нақши Конститутсия дар таҳкими маърифати фарҳангии ҷомеа

Душанбе, 4.11.2015. (АМИТ «Ховар»).- Пагоҳ, 5-уми ноябри соли ҷорӣ дар Пажӯҳишгоҳи илмӣ-тадқиқотии фарҳанг ва иттилооти  Вазорати фарҳанги ҶТ мизи мудаввар таҳти унвони «Нақши Конститутсия (Сарқонун) дар таҳкими маърифати фарҳангии ҷомеа» баргузор мегардад.
Мизи мудаввар ба солгарди рӯзи Конститутсия  бахшида шуда, дар  он аҳли  илми кишвар ширкат варзида, дар  мавзуъҳои «Тавсифи арзишҳои Конститутсия дар матбуоти даврӣ», «Конститутсия ва ҳуввияти миллӣ»,  «Конститутсия ва инкишофи қонунгузорӣ дар соҳаи фарҳанг» ва «Таҷассуми ҳуқуқи инсон дар Эъломияи Куруши Кабир»  маърӯза хоҳанд кард. 
Дар доираи ин ҳамоиш ҳамчунин намоиши китобҳои тозанашр доир ба Конститутсия дар назар аст.